Tilraunaákvæði hugsanlega beitt í fyrsta sinn

Djúpivogur liggur lengst frá kjarnanum, Egilsstöðum, en þar verður sett ...
Djúpivogur liggur lengst frá kjarnanum, Egilsstöðum, en þar verður sett á fót heimastjórn sem fær völd yfir málum í nærsamfélaginu.

Verði af sameiningu Fljótsdalshéraðs, Seyðisfjarðar, Borgarfjarðar eystri og Djúpavogs mun sveitarstjórn nýs sveitarfélags fela svokölluðum heimastjórnum í gömlu sveitarfélögunum hluta af valdi sínu.

Kveðið er á um þessa tilfærslu á valdi í tilraunaákvæði í sveitarstjórnarlögunum og heimilt er að nýta það í tvö kjörtímabil. Komi til þessarar sameiningar verður því beitt í fyrsta sinn.

Heimastjórnirnar myndu þá fara með ákvörðunarvald varðandi nærþjónustu á viðkomandi svæðum, m.a. hvað varðar deiliskipulag, veita ýmsar umsagnir og um friðlýsingar.

Björn Ingimarsson, bæjarstjóri á Fljótsdalshéraði, segir að með þessu fyrirkomulagi sé leitast við að mæta gagnrýni sem komið hafi upp við sameiningar. Þá sé markmiðið að öll stjórnsýsla verði skilvirkari með þessu fyrirkomulagi.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.790 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »