Eitt stærsta raðgreiningarverkefni sögunnar

Kári Stefánsson, forstjóri Íslenskrar erfðagreiningar.
Kári Stefánsson, forstjóri Íslenskrar erfðagreiningar. mbl.is/​Hari

Íslensk erfðagreining ætlar að raðgreina 225.000 erfðamengi fyrir breska lífsýnabankann UK Biobank í metnaðarfylllsta verkefni sem ráðist hefur verið í á sviði raðgreiningar í heiminum, að því er fram kemur í tilkynningu frá Íslenskri erfðagreiningu.

Þar segir að alls verði 500.000 erfðamengi raðgreind í þessu átaki en Wellcome Sanger, virtasta stofnun á sviði erfðavísinda í heiminum, ætlar að raðgreina önnur 225.000.

Kári Stefánsson forstjóri Íslenskrar erfðagreiningar segir þetta mikið tækifæri fyrir erfðavísindin, þarna sé verið að beita aðferðafræði sem varð til á Íslandi til að leiða heimsátak í leit að erfðavísum sjúkdóma. Hann bendir á að lyfjaþróun sé mun árangursríkari ef hún byggist á erfðarannsóknum.

Það eru stofnanir á vegum breskra heilbrigðisyfirvalda, Wellcome Sanger-erfðavísindastofnunin og lyfjafyrirtækin Amgen, Johnson & Johnson, GlaxoSmithKline og AstraZeneca, sem fjármagna verkefnið í sameiningu.

Hér að neðan má sjá Kára ræða um verkefnið:


 

mbl.is
Fleira áhugavert
Fleira áhugavert