Fluttur með þyrlunni eftir flugslys
Setja bókamerki
Þyrla Landhelgisgæslunnar flutti slasaðan flugmann á Landspítalann eftir flugslys við Móskarðshnjúka en tilkynnt var um atvikið á fjórða tímanum. Um er að ræða eins hreyfils vél og var flugmaðurinn einn um borð.
Stjórnstöð Landhelgisgæslunnar barst boð frá neyðarsendi vélarinnar laust fyrir klukkan þrjú. Þá hafði einnig verið tilkynnt um dökkan reyk sem barst frá svæðinu. „Í kjölfarið voru viðbragðsaðilar kallaðir út. Þyrlan fann flugmanninn korter fyrir fjögur og kom hann þá gangandi að áhöfn þyrlunnar og var í kjölfarið fluttur með þyrlu gæslunnar á Landspítalann í Fossvogi,“ segir Ásgeir Erlendsson, upplýsingafulltrúi Landhelgisgæslunnar, í samtali við mbl.is.
Samkvæmt upplýsingum frá slökkviliðinu á höfuðborgarsvæðinu er talið að flugmaðurinn, sem var einn um borð í lítilli eins hreyfils vél, hafi nauðlent á toppi Skálafells.
Flak flugvélarinnar er á toppi Skálafells og vinnur áhöfn þyrlunnar nú að því að flytja fulltrúa frá tæknideild lögreglunnar og fulltrúa rannsóknarnefndar samgönguslysa að flugvélaflakinu.
Ekki er hægt að segja til um líðan mannsins og getur lögregla ekki veitt frekari upplýsingar að svo stöddu.
Tæknideild komin norður vegna andlátsins
„Þetta náttúrulega endar með ósköpum“
Moses Hightower og Prins Póló gefa út eyjalag
Mest spennandi kosningar í áratugi
Myndir: Reynir við heimsmet í Hlíðarfjalli í dag
Fara ekki lengur fram á einangrun yfir Davíð