Meirihluti borgarstjórnar samþykkti í kvöld að gangast í ábyrgð fyrir láni hjá Lánasjóði sveitarfélaga fyrir Sorpu að fjárhæð 990 milljónir króna til fimmtán ára, til að fjármagna viðbótarkostnað við byggingu gas- og jarðgerðarstöðvar í Álfsnesi auk nauðsynlegs tækjabúnaðar. 

Borgarfulltrúar meirihlutans samþykktu tillöguna, auk borgarfulltrúa Sósíalistaflokksins en aðrir flokkar minnihlutans greiddu atkvæði á móti. 

Frétt af mbl.is

1,3 milljarðar í viðbótarkostnað hjá Sorpu

Sorpa gerði á stjórnarfundi 2. september sl. breytingar á fjárfestingaáætlun sinni til næstu fjögurra ára eftir að í ljós komu mistök við gerð síðustu fjárfestingaáætlunar. Haft var eftir Birni H. Halldórssyni, framkvæmdastjóra Sorpu, að mistökin hefðu verið óheppileg. Á stjórnarfundi Sorpu var einnig bókað að fara þyrfti yfir verkferla félagsins og var formanni og varaformanni stjórnar falið að fá óháðan aðila til að gera úttekt á starfsemi félagsins og leggja tillögur þar að lútandi fyrir næsta fund stjórnar.

Sjálfstæðisflokkurinn greiddi atkvæði gegn málinu og lagði fram bókun þar sem því er hafnað að útsvarstekjur borgarinnar séu veðsettar svo Sorpa geti tekið lán vegna framúrkeyrslu. mbl.is/Hari

Verið að „veðsetja útsvarstekjur Reykjavíkurborgar“

Borgarfulltrúar tókust á um málið í sal borgarstjórnar í kvöld, líkt og um önnur mál, og úr varð að samþykkt var með 13 atkvæðum gegn tíu að gangast í ábyrgð fyrir láninu, alls að fjárhæð 990 milljónir króna, til 15 ára. 

Frétt af mbl.is

Dagur ræði um Sorpu og fleiri fyrirtæki

Sjálfstæðisflokkurinn greiddi atkvæði gegn málinu og lagði fram eftirfarandi bókun:

„Hér er farið fram á að veðsetja útsvarstekjur Reykjavíkurborgar svo SORPA geti tekið lán vegna framúrkeyrslu upp á einn og hálfan milljarð króna. Borgarfulltrúar Sjálfstæðisflokksins leggjast alfarið gegn því að veita veð í útsvarstekjum skattgreiðenda í Reykjavík vegna lausataka í rekstri byggðarsamlagins og greiða atkvæði gegn því. Bæjarráð Seltjarnarness neitaði að gangast í ábyrgð fyrir láni til Sorpu vegna framúrkeyrslunnar og telja borgarfulltrúar Sjálfstæðisflokksins rétt að borgarstjórn geri slíkt hið sama.“

Tengdar fréttir

Óvæntur viðbótarkostnaður hjá Sorpu

Sorpa semur við Björn

• Hækkun á gjaldskrá Sorpu möguleg
• Gjaldfærni Sorpu alltaf tryggð
• Sagt upp til að draga athygli frá ábyrgð stjórnar
• Framkvæmdastjóra Sorpu sagt upp

» Fleiri tengdar fréttir

• Blogga um frétt