Séu með kveikt á ökuljósum í rigningunni

„Nú er úti veður vont verður allt að klessu,“ skrifar Lögreglan á höfuðborgarsvæðinu á Facebook og varar við hressilegri rigningu í dag.

Vonast lögregla til að allir gangandi og hjólandi vegfarendur taki fram regnfatnaðinn. Jafnframt sé þetta vondur dagur fyrir ökumenn að uppgötva að rúðuþurrkur séu í ólagi.

Frétt af mbl.is

Spá allt að 20 stiga hita

„Að síðustu verðum við að minna á mikilvægi ljósanna, en í svona veðri er auðvitað betra að vera vel sýnilegur í umferðinni ólíkt þessum ökutækjum sem við rákumst á í umdæminu. Þessi sjón er því miður alltof algeng og því eru ökumenn beðnir um að hafa kveikt á ökuljósunum.“

• Blogga um frétt