Safnað fyrir málskostnaði Báru

Bára Halldórsdóttir. Hafin er söfnun fyrir málskostnaði hennar á Karolina ...
Bára Halldórsdóttir. Hafin er söfnun fyrir málskostnaði hennar á Karolina Fund. Eggert Jóhannesson

Söfnun er hafin á Karolina Fund fyrir málskostnaði Báru Halldórsdóttur vegna málaferla svokallaðra Klaustursþingmanna á hendur henni. Markmiðið er að safna 300.000 krónum og hópurinn Takk Bára stendur fyrir söfnuninni.

Í tilkynningu frá hópnum segir að 300.000 krónur sé sú upphæð sem Bára þarf sjálf að greiða, það sé um 10% af raunkostnaði, en lögmannsstofan sem rekur málið veiti henni verulegan afslátt. Þar segir enn fremur að fjölmargir listamenn hafi lagt söfnuninni lið. 

Í tilkynningunni segir að Takk Bára- hópurinn hafi verið stofnaður til að slá skjaldborg um Báru eftir að hún kom fram sem uppljóstrarinn Marvin eftir að hafa tekið upp samtal þingmanna á Klaustri bar í nóvember í fyrra og komið upptökunni til fjölmiðla. Hlutverk hópsins er að veita Báru móralskan stuðning og mögulegan fjárhagslegan stuðning vegna kostnaðar hennar við málaferli og annað. 

Söfnunin fyrir Báru

mbl.is