Dómur í húsnæðisdeilu múslima staðfestur
Setja bókamerki
Landsréttur staðfesti í dag dóm Héraðsdóms Reykjavíkur í máli Menningarseturs múslima á Íslandi gegn Stofnun múslima á Íslandi, en deilur félaganna tveggja hafa staðið yfir árum saman og snúast um leigurétt þess fyrrnefnda að Ýmishúsinu við Skógarhlíð 20 í Reykjavík.
Landsréttur staðfesti dóm héraðsdóms að öllu leyti og því er niðurstaða málsins sú að Menningarsetrið skuli greiða Stofnun múslima 8,6 milljónir í vangoldna leigu og málskostnað, auk dráttarvaxta og 600.000 króna málskostnaðar fyrir Landsrétti.
Eins og mbl.is fjallaði um síðasta haust er forsaga deilnanna löng. Stofnun múslima er eigandi Ýmishússins, en það var keypt árið 2010.
Stofnunin fullyrti árið 2016 að hún hefði gert afnotasamning við Menningarsetrið og að staðið hafi til að gerður yrði húsaleigusamningur. Drög að þeim samningi hafi verið gerð og dagsett 20. desember 2012 og átt að gilda til 31. desember 2023.
Næsta dag hafi hins vegar verið ákveðið að breyta fyrirkomulaginu og gefa Menningarmiðstöðinni afnotarétt af hluta hússins án endurgjalds. Þetta hafi verið staðfest með samningi sem er dagsettur 21. desember 2012, en að fyrri samningurinn hafi með þessu verið felldur niður. Í júní 2016 lét Stofnun múslima á Íslandi svo bera út Menningarsetrið.
Landsréttur segir um þetta atriði að á meðal skjala málsins sé skjal sem dagsett er 21. desember 2012 og beri yfirskriftina „Notkun á húsnæði og krafa um starfsemi“, en undir skjalið rita þeir Hussein Aldaoudi og Karim Askari, sömu menn og undirrituðu húsaleigusamninginn degi fyrr.
„Með skjalinu frá 21. verður að líta svo á að aðilar hafi sammælst um að fella úr gildi húsaleigusamninginn,“ segir í niðurstöðu Landsréttar.
Árshátíð ríkislögreglustjóra haldin í Tékklandi
Gígbarmurinn hækkað frá því í gær
Sex hafa greinst með listeríu
„Það þarf að vinna mikinn fjölda upp“
Væri að ljúga ef ég segðist ekki stressaður
Krefjast stöðvunar framkvæmda
Skemmtiferðaskip hætt komið nærri Viðey
Skar höfuðleðrið af íslenskri konu