Ríkið dæmt til að greiða bætur í Aserta-málum

Íslenska ríkið hefur verið dæmt til að greiða þeim Gísla Reynissyni og Karl Löve Jóhannssyni 2,5 milljónir hvorum í skaðabætur vegna Aserta-málsins svokallaða, en þeir voru báðir sakborningar í því máli áður en ríkissaksóknari féll frá kröfum í málinu þegar það var komið fyrir Hæstarétt árið 2016.

Héraðsdómur hafði komist að mismunandi niðurstöðu í málinu. Ingibjörg Þorsteinsdóttir héraðsdómari hafði dæmt íslenska ríkið til að greiða Gísla 1,4 milljónir vegna kyrrsetningar á eignum sem þóttu standa yfir og lengi og ummæla þáverandi yfirmanns efnahagsbrotadeildar ríkislögreglustjóra, en fjölmiðlafundur var haldinn þegar málið kom upp.

Frétt af mbl.is

Sýknað í einu máli en bótaskylda í hinu

Kjartan Bjarni Björgvinsson héraðsdómari hafði hins vegar komist að annarri niðurstöðu og sýknaði hann ríkið í sambærilegu skaðabótamáli Karls. Sagði þar að Karl hefði engin gögn lagt fram um fjárhagslegt tjón sem rekja megi til kyrrsetninganna. Hafi Karl Löve í „engu leit­ast við að sýna fram á hvaða fjár­hags­lega tjón megi rekja til hand­töku hans eða þeirr­ar hús­leit­ar sem gerð var hjá hon­um“. Þá sé það mat dóms­ins að Karl Löve hafi „sjálf­ur stuðlað að nokkru að þeim þving­un­araðgerðum sem beind­ust að hon­um og hans hags­mun­um“.

Frétt af mbl.is

Ríkinu gert að greiða 1,4 milljónir

Landsréttur snýr þeirri niðurstöðu við og staðfestir skaðabótaskyldu í máli Gísla. Hins vegar eru bæturnar hækkaðar og eru sem fyrr segir 2,5 milljónir í hvoru máli.

Frétt af mbl.is

Fallið frá áfrýjun í Aserta-máli

Segir í dómum Landsréttar að saksóknaraembættið hafi ekki getað skýrt ástæður mikillar seinkunnar á rannsókn málsins, en þeir voru báðir með stöðu grunaðs manns í sex ár. Þá voru fasteignir áfrýjenda og ökutæki kyrrsett í allt að fimm ár. Tekur Landsréttur sérstaklega fram að sérstök ástæða hafi verið til að hraða meðferð málsins.

Frétt af mbl.is

Allir sýknaðir í Aserta-málinu

• Blogga um frétt