Starfsemi Reykjalundar var með eðlilegum hætti í gær eftir truflum sem varð í fyrradag vegna óvissu sem kom upp eftir uppsögn framkvæmdastjóra lækninga og starfslok forstjóra.

Starfsfólkið sagði í yfirlýsingu í gær að því þætti miður að ástandið hefði bitnað á skjólstæðingum og valdið þeim vanlíðan. Sveinn Guðmundsson, stjórnarformaður SÍBS og starfandi forstjóri Reykjalundar, sagði ljóst að starfsfólk ætlaði að setja skjólstæðinga sína í fyrsta sæti.

Sveinn tilkynnti starfsfólki það í gær að hann myndi víkja sem forstjóri og settur yrði annar forstjóri þar til nýr forstjóri tæki við. Staðan verður auglýst. Þá er ráðningarferli framkvæmdastjóra lækninga í vinnslu. Starfsmannafundur verður á þriðjudag, að því er fram kemur í umfjöllun um ástandið á Reykjalundi í Morgunblaðinu í dag.

Tengdar fréttir

Deilur í Reykjalundi

Nýtt rekstrarfélag stofnað um Reykjalund

• „Ýmsar hrókeringar“ í starfsmannamálum
• „Við tökum ábendingum frá landlækni alvarlega“
• Ólgan bitnaði ekki á sjúklingum
• Uppsagnir dregnar til baka á Reykjalundi

» Fleiri tengdar fréttir