Karlmaður á fertugsaldri var á laugardag í Héraðsdómi Reykjavíkur úrskurðaður í sex daga gæsluvarðhald, eða til 18. október, á grundvelli rannsóknarhagsmuna.
Þetta var gert að kröfu Lögreglunnar á höfuðborgarsvæðinu í þágu rannsóknar hennar á ætluðu kynferðisbroti, að því er fram kemur í tilkynningu.
Maðurinn var handtekinn í heimahúsi í umdæminu um helgina eftir að tilkynning barst um málið.
Að sögn lögreglu er ekki hægt að veita frekari upplýsingar um málið að svo stöddu.