Ný áætlun „skellir Árneshreppi í lás“

Í endurskoðaðri samgönguáætlun eru mörg ánægjuleg skref stigin fyrir Vestfirði, eins og t.d. að framkvæmdum á veginum um Dynjandisheiði hafi verið flýtt. En þar er líka margt sem veldur vonbrigðum fyrir byggðaþróun og atvinnulíf á Vestfjörðum. Þetta segir Sigríður Ó. Kristjánsdóttir, framkvæmdastjóri Vestfjarðastofu. Hún segir að ekki sé hægt að túlka áætlunina á annan hátt en að „skella eigi í lás“ í Árneshreppi, þar sem ekki eigi að fara í endurbætur á veginum yfir Veiðileysuháls.

Sig­urður Ingi Jó­hanns­son­,sam­göngu- og sveit­ar­stjórn­ar­ráðherra, kynnti í morgun upp­færða og end­ur­skoðaðasam­göngu­áætl­un fyr­ir tíma­bilið 2020-2034. Áætlunin er komin inn í samráðsgátt stjórnvalda þar sem hægt verður að gera athugasemdir við hana til loka mánaðarins.

Sigríður Ó. Kristjánsdóttir framkvæmdastjóri Vestfjarðastofu

„Við fögnum því að Dynjandisheiðin sé komin inn á 1. tímabil, en hún var ekki öll þar,“ segir Sigríður. Með því vísar hún til þess að framkvæmdunum er skipt á þrjú fimm ára tímabil og með því að vera á 1. tímabili á framkvæmdum á Dynjandisheiði að ljúka 2024. „Í raun vantar samt enn Bíldudalslegginn þar inn, hann er á 2. tímabili.“

Fagnar skosku leiðinni 

Sigríður segir að einnig sé ánægjulegt að Innstrandarvegur sé kominn inn á samgönguáætlun, en segir miður að heilsársvegur yfir Veiðileysuháls hafi nú verið færður á 2. tímabil, en hann átti að vera á næsta ári. Með þeirri ákvörðun er hætt við því að Árneshreppur einangrist í þá þrjá mánuði á ári sem snjómokstri er ekki sinnt. „ Að lokað sé leiðum að byggð nokkra mánuði á ári þýðir bara eitt; að skella í lás í Árneshreppi.“

Sigríður fagnar því að taka eigi upp skosku leiðina svonefndu, en mark­mið hennar er að auka aðgengi að flugþjón­ustu á viðráðan­legu verði frá jaðarbyggðum. Í Skotlandi hef­ur það verið gert með því að ríkið greiði fyr­ir af­slátt sem nem­ur helm­ing farmiðans til þeirra sem búa á jaðarsvæðum.  „En það lagar ekki flugvellina, en það er ekki gert ráð fyrir nægilegu fé til að halda þeim við.  Þeir innanlandsflugvellir, sem ekki eru skilgreindir sem varaflugvellir í millilandaflugi, eru í raun munaðarlausir. “

Á svæðinu eru þrír flugvellir; á Ísafirði, Bíldudal og Gjögri og Sigríður segir að flogið sé á þá alla nánast alla daga. 

Frétt af mbl.is

Ráðherra vill skosku leiðina

Hafnarbætur brýnar

Þá segir hún að víða sé uppsöfnuð þörf fyrir hafnarbætur víða á Vestfjörðum. „Til dæmis er það afar brýnt á Bíldudal, það má segja að þar ríki neyðarástand. Þar er ný atvinnugrein að byggjast upp  Hún fagnar lengingu, sem á að gera á kanti hafnarinnar á Ísafirði á næsta ári. Það sé brýn framkvæmd, bæði vegna móttöku skemmtiferðaskipa sem verður sífellt stærri atvinnugrein á Vestfjörðum og vegna uppbyggingar í fiskeldi. „Öll uppbygging á þessu svæði er sjávartengd þannig að hafnir skipta öllu máli í nánast öllum byggðakjörnum,“ segir Sigriður.

Vestfirskur vegur mbl.is/Kristinn Ingvarsson

Samgöngurnar ekkert einkamál Vestfirðinga

Hún segir að það komi á óvart, miðað við þá stefnumótun og umræðu sem verið hafi, að  framlag til almenningssamgangna á svæðinu verði ekki hækkað. Íbúar á svæðinu hafi viljað leggja áherslu á almenningssamgöngur á milli byggðakjarna, en eins og staðan sé núna sé eingöngu boðið upp á þær á sumrin. „Það er hluti af því, að við getum búið hérna eins og á einu svæði, að fólk komist til vinnu og tómstunda á milli byggðarkjarna. Samgöngurnar eru lykillinn að svo mörgu og það er ekkert einkamál okkar á svæðinu að þær séu sem bestar,“ segir Sigríður.

Frétt af mbl.is

Gjaldtaka fyrirhuguð víða

• Blogga um frétt