Erlendur ferðamaður lést við Skógafoss

Erlendur ferðamaður á fimmtugsaldri varð bráðkvaddur við Skógafoss 14. október.
Erlendur ferðamaður á fimmtugsaldri varð bráðkvaddur við Skógafoss 14. október. mbl.is/Ómar

Erlendur ferðamaður varð bráðkvaddur við Skógafoss 14. október. Þetta kemur fram í tilkynningu frá lögreglunni á Suðurlandi. 

Maðurinn, sem var á fimmtugsaldri, var á göngu um pallinn við efri brún Skógafoss fyrir viku, þegar hann missti meðvitund. Samferðamenn hans hófu endurlífgunartilraunir og björgunarsveitarmenn sem voru á Skógum þegar beiðni um aðstoð barst héldu endurlífgunartilraunum áfram og við bættust sjúkraflutningamenn, læknir og lögregla.  

Lífgunartilraunir báru ekki árangur og var maðurinn úrskurðaður látinn á vettvangi. Þyrla Landhelgisgæslunnar var þá rétt ókomin á vettvang og var lík mannsins flutt á Selfoss með henni.

Krufning hefur farið fram og bráðabirgðaniðurstaða bendir til bráðra veikinda. Aðstandendur mannsins komu til landsins og njóta þeir aðstoðar ræðismanns ríkis síns vegna andlátsins. 

mbl.is