Rúmlega 500 jarðskjálftar hafa riðið yfir í og við Öxarfjörð síðan á laugardag en jörð hélt áfram að skjálfa í nótt. Tveir skjálftar hafa mælst 3,2 stig, sá fyrri reið yfir klukkan 11:03 og sá síðari klukkan 19:19 í gær.
Stærð flestra skjálftanna er á bilinu 1-2 stig. Samkvæmt upplýsingum á vef Veðurstofunnar hafa engar upplýsingar borist um að stærstu skjálftanna hafi orðið vart í byggð.
Jarðskjálftahrinan á upptök sín á Tjörnesbrotabeltinu en þar varð síðast öflug hrina í lok mars á þessu ári. Í þeirri hrinu mældust um 2.600 skjálftar á um það bil viku, þar sem stærsti skjálftinn var 4,2 að stærð.