Hrossin voru misjafnlega ánægð með ofankomuna á Höfðaströnd í Skagafirði í gær. Þar snjóaði eins og víðar á Norðurlandi þar sem komin var vetrarfærð.
Hálka og hálkublettir voru fyrir vestan, þæfingsfærð á Bjarnarfjarðarhálsi og ófært norður í Árneshrepp.
Veðurstofan spáði því að það bætti í úrkomu og vind um landið norðaustanvert í kvöld. Þá átti að kólna og var spáð tveggja til sjö stiga frosti víða í dag.