Ekki heimilt að hækka skattinn

Grímsnes- og Grafningshreppi er ekki heimilt að leggja fasteignaskatt á sumarbústaði sem eru í útleigu til skamms tíma, sem um atvinnuhúsnæði væri að ræða.

Landsréttur hefur staðfest dóm héraðsdóms og úrskurð yfirfasteignamatsnefndar í þessa veru í máli eigenda eins sumarhúss í sveitinni.

Starfsmaður hreppsins fylgdist með síðum þar sem heimagisting er auglýst og lagði hærri fasteignaskatt á eigendur húsa þann tíma sem þau voru leigð út. Héraðsdómur og Landsréttur töldu að vilji löggjafans hefði ekki staðið til breytinga á skráningu fasteigna þótt þær væru leigðar út tímabundið til ferðamanna.

Sumarhúsabyggð í Grímsnesi. mbl.is/Kristinn Benediktsson