Fólki gefst kostur á að setja niðurbrjótanleg duftker með ösku ástvina sinna í svokallaða gróður- eða skógargrafreiti sem tillaga er gerð um í BS-ritgerð í umhverfisskipulagi við Landbúnaðarháskóla Íslands.
Hægt er að setja fræ í duftkerið eða gróðursetja tré, runna og fjölærar plöntur á leiðið.
Fólk sem hugsar fyrir þessu fyrir fram getur þannig valið að enda sem tré eða planta, stuðlað að landgræðslu og skógrækt á útivistarsvæði og bundið kolefni, að því er fram kemur í umfjöllun um mál þetta í Morgunblaðinu í dag.