Hlíðaskóli fagnaði sigri í hæfileikakeppni Skrekks

Nemendur úr Hlíðaskóla hlupu fram á svið Borgarleikhússins og fögnuðu af miklum tilfinningahita þegar tilkynnt var um sigurvegara á úrslitakvöldi Skrekks, hæfileikahátíðar skóla- og frístundasviðs Reykjavíkurborgar.

Listrænt atriði þeirra hafði sigrað. Árbæjarskóli sem sigraði í fyrra varð í öðru sæti og Hagaskóli í því þriðja.

Á þriðja hundrað ungmenna úr átta grunnskólum Reykjavíkur komu fram á stóra sviði Borgarleikhússins í gærkvöldi og flutti hver skóli frumsamið listatriði fyrir framan fullan sal af hvetjandi áhorfendum.