Spítalagrjótið reynist æði drjúgt

Vörubílar aka allan liðlangan daginn með grjót úr grunni nýja ...
Vörubílar aka allan liðlangan daginn með grjót úr grunni nýja Landspítalans. Á fyllingunni verða höfuðstöðvar Faxaflóahafna í framtíðinni. mbl.is/Árni Sæberg

Framkvæmdir Faxaflóahafna sf. við landgerð austan Laugarness ganga það vel að útlit er fyrir að þeim ljúki talsvert á undan áætlun.

Þetta kemur fram í svari Jóns Þorvaldssonar aðstoðarhafnarstjóra, sem lagt var fram á síðasta fundi borgarráðs. Jón var hér að svara fyrirspurn Vigdísar Hauksdóttur, áheyrnarfulltrúa Miðflokksins, um landfyllingu Laugarness sem teygir sig út í Skarfaklett. Hér á reyndar að segja út í Skarfasker.

Landfyllingin sem um ræðir verður rúmir tveir hektarar að sjóvarnargörðum meðtöldum. Reiknað er með því að í hana þurfi alls 375 þúsund rúmmetra af fyllingarefni, að því er fram kemur í Morgunblaðinu í dag.

Styttri ferðir með grjótið

Að frumkvæði Nýs Landspítala verður uppistaðan í landgerðinni efni sem sprengt er í grunni nýja Landsspítalans. Með því mátti koma í veg fyrir flutninga með grjótið langar leiðir út fyrir borgarmörkin. Áætlað var að þetta efni yrði um 200 þúsund rúmmetrar.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.790 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »