Um fátt annað hefur verið fjallað í innlendum fjölmiðlum það sem af er degi en umsvif Samherja í Namibíu eftir umfjöllun Kveiks í gærkvöldi. Erlendir miðlar, ekki síst norskir, sýna umfjölluninni athygli, þar sem  Sam­herji m.a. sagður hafa greitt hundruð millj­ón­a í mút­ur til ein­stak­linga tengd­um sjáv­ar­út­vegs­ráðherra Namib­íu til að tryggja aðgang að veiðikvóta þar í landi. 

Frétt af mbl.is

Mútur til að komast yfir fiskveiðikvóta

Norskir miðlar fjalla sérstaklega um tengsl norska bankans DNB en samkvæmt umfjöllun Kveiks fóru bankaviðskipti Samherja í gegnum ríkisbankann DNB og norsku bankareikningarnir eru sagðir lífæðin í starfseminni, það er mútugreiðslunum. 

„Fiskirisinn notaði DNB til að millifæra fé í gegnum skattaparadís“ segir í fyrirsögn NRK og Fiskeribladet tekur í sama streng og bendir sömuleiðis á tengsl Samherja við norskan sjávarútveg, en Samherji á 40% hlut í norsku togaraútgerðinni Nergård. Dagens Næringsliv birtir einnig frétt með sams konar fyrirsögn. 

„Fiskirisinn notaði DNB til að millifæra fé í gegnum skattaparadís“ segir í fyrirsögn NRK og Fiskeribladet í Noregi. Skjáskot/Fiskeribladet

Reuters hefur sömuleiðis fjallað um tengsl DNB við viðskipti Samherja og greinir frá því að bankinn hafi millifærslurnar til rannsóknar. 

Alþjóðlegi og viðurkenndi sjávarútvegsmiðillinn IntraFish hefur einnig veitt umfjölluninni athygli. „Samherji með hnefann á lofti í kjölfar ásakana um mútur“ segir í fyrirsögn á IntraFish.com.

Tengdar fréttir

Samherji í Namibíu

Kærur Þórðar Snæs og Aðalsteins endanlega felldar niður

• Fimm manns í tíu daga í Namibíu
• Aðstoða stjórnvöld í Namibíu
• Fimm manns frá héraðssaksóknara staddir í Namibíu
• Réttarhöldum í Samherjamálinu í Namibíu frestað

» Fleiri tengdar fréttir

• Blogga um frétt