Staðfesta ákvörðun vegna dauða ungrar konu

Málið kom inn á borð héraðssak­sókn­ara nokkr­um dög­um eft­ir and­látið ...
Málið kom inn á borð héraðssak­sókn­ara nokkr­um dög­um eft­ir and­látið en for­eldr­ar kon­unn­ar, sem er fædd árið 1994, voru ósátt­ir við meðferð lög­reglu á dótt­ur þeirra. mbl.is/Eggert

Ríkissaksóknari hefur staðfest ákvörðun héraðssaksóknara sem felldi niður mál á hendur lögreglumönnum sem voru til rann­sókn­ar vegna af­skipta lög­reglu af ungri konu sem dó á Land­spít­ala síðar sama kvöld í apríl.

Greint er frá málinu á vef RÚV.

Málið kom inn á borð héraðssak­sókn­ara nokkr­um dög­um eft­ir and­látið en for­eldr­ar kon­unn­ar, sem er fædd árið 1994, voru ósátt­ir við meðferð lög­reglu á dótt­ur þeirra. 

Kon­an var í sam­kvæmi þar sem mikið var um eit­ur­lyf og var hún í miklu ójafn­vægi þegar lög­regla var kölluð til. Eft­ir að lög­regl­an hafði af­skipti af henni fór hún í hjarta­stopp og hóf­ust end­ur­lífg­un­ar­til­raun­ir. Kon­an var flutt á Land­spít­al­ann og lést þar þriðju­dags­morg­uninn 9. apríl.

mbl.is