Lögregla leitar mannsins á myndinni

Lögregla biður manninn á myndinni að hafa samband við sig.
Lögregla biður manninn á myndinni að hafa samband við sig. Ljósmynd/Lögreglan

Lögreglan á höfuðborgarsvæðinu óskar eftir að ná tali af manninum sem sést á meðfylgjandi mynd. Í tilkynningu frá lögreglu kemur fram að þetta sé vegna máls sem lögregla hefur til rannsóknar og er maðurinn beðinn um að hafa samband við lögreglustöðina á Hverfisgötu 113-115 í Reykjavík í síma 444 1000.

Sömuleiðis, þekki einhverjir til mannsins, eða vita hvar hann er að finna, eru þeir beðnir um að hringja í lögregluna, en upplýsingum má jafnframt koma á framfæri í tölvupósti á netfangið abending@lrh.is eða í einkaskilaboðum á Facebook-síðu Lögreglunnar á höfuðborgarsvæðinu.

Segir lögregla að þó að myndin sé óskýr megi ætla að bolurinn sem maðurinn klæðist geti gefið vísbendingar um hver hann er.

mbl.is