Embætti rannsókna spillingarmála, ACC, í Namibíu hefur rannsakaði í eitt ár starfsemi íslenska fyrirtækisins Samherja þar í landi sem snúa að skattsvikum, fjársvikum, peningaþvætti og ásökunum um mútugreiðslur, að sögn forstjóra ACC. Þetta kom fram í fréttskýringarþættinum Kveik sem sýndur var í Ríkissjónvarpinu í kvöld. 

Beiðni hefur verið send íslenskum og norskum stjórnvöldum um aðstoð við rannsókn málanna, að því er fram kom í máli Noa Paul­us, fram­kvæmda­stjóra ACC. 

Frétt af mbl.is

Vissu ekki hverjir voru eigendur reikninganna

Sam­herji og dótt­ur­fé­lög fyr­ir­tæk­is­ins sendu og tóku á móti stór­um fjár­hæðum frá skatta­skjól­um, m.a. í Dubaí og Mars­hall-eyj­um í gegnum norska bankann DBN. Það tók norska bankann nokkur ár að loka umdeildum bankareikningum á vegum félagsins þrátt fyrir að rauð ljós hafi kviknað við millifærslur.

Talsverðu eftir að rauð ljós kviknuðu við millifærslu peninga í tengslum við JPC Shipmanagement, sem sá um ráðningarsamninga starfsmanna á skipum félagsins, og Cape Cod bæði félög tengd Samherja gerði norski bankinn athugun á félaginu. í millitíðinni leyfði bankinn áfram milljörðum að fara um reikninga félaganna tveggja þrátt fyrir að viðvörunarbjöllum hafi hringt. Það er þvert á markmiði með eftirliti á peningaþvætti sem á að fara fram innan fjármálastofnana.  

Úr varð að ný greining var gerð á félögunum og umræddum reikningum var lokað því en þörf virtist vera á að þessi félög ættu bankareikninga í norskum banka.

Í skriflegu svari DNB til Kveiks við fyrirspurn um viðtalsbeiðni vegna Samherjaskjalanna segir „ekki sé hægt að útiloka að DNB hafi verið misnotaður af glæpamönnum“. Ennfremur er bent á að varnir gegn peningaþvætti séu í forgangi og fleiri en 1500 málum hafi verið vísað til lögreglunnar. 

Norska efnahagsbrotalögreglan Ökokrim vildi hvorki játa né neita að rannsókn væri á þessum málum innan lögreglunnar. 

Tengdar fréttir

Samherji í Namibíu

Kærur Þórðar Snæs og Aðalsteins endanlega felldar niður

• Fimm manns í tíu daga í Namibíu
• Aðstoða stjórnvöld í Namibíu
• Fimm manns frá héraðssaksóknara staddir í Namibíu
• Réttarhöldum í Samherjamálinu í Namibíu frestað

» Fleiri tengdar fréttir

• Blogga um frétt