Styrkir til fjölmiðla lækki
Setja bókamerki
Nái nýtt fjölmiðlafrumvarp Lilju Alfreðsdóttur, mennta- og menningarmálaráðherra, fram að ganga, verða styrkir til einkarekinna fjölmiðla um fjórðungi lægri en gert var ráð fyrir í fyrra frumvarpi.
Greint er frá þessu á ruv.is og þar segir að frumvarpið hafi verið kynnt þingflokkunum í gær.
Í fyrra frumvarpinu var gert ráð fyrir því að fjölmiðlar fengju 25% af launakostnaði sínum við rekstur ritstjórnar endurgreiddan úr ríkissjóði og að hámark þeirrar endurgreiðslu yrði 50 milljónir á ári. Í frétt RÚV segir að í nýja frumvarpinu hafi þetta hlutfall verið lækkað í 20% en að hámarksendurgreiðslan sé áfram 50 milljónir.
Þá var í fyrra frumvarpi ákvæði um að veita mætti fjölmiðlum viðbótarendurgreiðslu upp á 5,15% af launum starfsmanna á ritstjórn, en í nýja frumvarpinu hefur þetta hlutfall verið lækkað í 3%.
Á vef RÚV segir að kostnaður ríkisins vegna þessara styrkja hafi í fyrra frumvarpi verið áætlaður 520 milljónir, en að hún lækki nú í 400 milljónir. Gert er ráð fyrir því að frumvarpið taki gildi um áramótin og nái til rekstrarársins 2019.
Hafa samþykkt kaup fyrir um 9,2 milljarða
„Tíminn er runninn út fyrir Kristján Loftsson“
„Þögnin er ærandi“
„Það er skiljanlegt að þolinmæði þeirra sé lítil“
Innviðir þandir og álagið „gríðarlegt“
Þrjú og hálft ár fyrir skotárás í Úlfarsárdal
Hjón sluppu með skrekkinn