Þar sem ekki náðist samkomulag á fundi samninganefndar BÍ og Samtaka atvinnulífsins hjá ríkissáttasemjara í dag mun boðuð vinnustöðvun vefblaðamanna, ljósmyndara og tökumanna taka gildi á morgun.
Hjálmar Jónsson, formaður Blaðamannafélag Íslands, staðfestir þetta við mbl.is.
Vinnustöðvunin mun að þessu sinni standa í 12 tíma, frá kl. 10 í fyrramálið og fram til 22 annað kvöld. Ekki er boðaður samningafundur fyrr en á þriðjudag.
Tekið skal fram að flestir blaðamenn á ritstjórn mbl.is og Morgunblaðsins eru félagar í Blaðamannafélagi Íslands.