Upplifun í næði í nýjum íshellum

Íshellarnir í Skeiðarárjökli skipta litum eftir því hvernig birtan fellur ...
Íshellarnir í Skeiðarárjökli skipta litum eftir því hvernig birtan fellur inn í þá. Blái liturinn er allsráðandi þegar skýjað er en liturinn breytist þegar sólin nær að gægjast inn. mbl.is/RAX

„Þarna eru aðallega þrír hellar sem við getum farið í. Þeir eru stutt frá lendingarstað. Fallegur blámi er í stærsta hellinum en við fengum ótrúlega fallega upplifun þegar við fórum þangað í vikunni, fallega sólarupprás og skrautsýningu inni í hellinum,“ segir Einar Rúnar Sigurðsson fjallaleiðsögumaður, sem fundið hefur þrjá fallega íshella í Skeiðarárjökli.

Atlantsflug skipuleggur þyrluflug þangað í samvinnu við fyrirtæki Einars og fleiri ferðaþjónustufyrirtæki. Myndir Ragnars Axelssonar eru úr einni ferðinni.

Einar Rúnar er brautryðjandi í leiðsögn ferðafólks í íshella hér á landi. Frá því að hann hóf þetta starf fyrir tæpum áratug og byrjaði að setja myndir úr íshelli inn á heimasíðu sína hefur þessi starfsemi aukist stórlega. Myndir úr íshellum fara eins og eldur í sinu um internetið og efla áhugann.

Nú bjóða fjölmörg fyrirtæki upp á þessa þjónustu og þúsundir erlendra ferðamanna heimsækja þá íshella sem aðgengilegir eru hverju sinni. Áhuginn beinist að því að taka mynd og setja á samfélagsmiðla. Þannig eru flestir erlendir ferðamenn sem heimsækja Suðausturland að vetri með heimsókn í íshelli á dagskrá sinni.

Hin hliðin á þessum aukna áhuga er að það er orðin örtröð við þá fáu íshella sem eru aðgengilegir.

Einar Rúnar og félagar hans fundu í fyrravetur nýja íshella í Skeiðarárjökli, framan við Færnes í Skaftafellsfjöllum. Hann fór þangað í haust til að kanna stöðuna enda vatnakerfið alltaf að breytast. Íshellarnir eru 13-15 kílómetra frá Skaftafelli og erfitt að nálgast þá gangandi.

Nánari umfjöllun er að finna í Morgunblaðinu 29. nóvember.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.790 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »