„Framboðið af málverkum er talsvert um þessar mundir og eftirspurnin meiri en oft áður,“ segir Jóhann Ágúst Hansen hjá Gallerí Fold.
Tveggja daga uppboði fyrirtækisins lauk í gærkvöld og þar seldust um 190 myndir. Stórt málverk eftir Georg Guðna fór á 5,5 milljónir króna.
Og landslagsmyndir eftir Kjarval voru sömuleiðis eftirsóttar en Tryggvi Páll Friðriksson, sem hér sést með hamarinn, sló þær hæstbjóðanda.