Baðlón opnar á Kársnesi á árinu 2021

Baðlónið verður vestast á Kársnesi og úr því verður fallegt …
Baðlónið verður vestast á Kársnesi og úr því verður fallegt útsýni til hafs og til Álftaness og Reykjavíkur. Framkvæmdir eru hafnar. Ljóæsmynd/Aðsend

Framkvæmdir eru hafnar við nýtt baðlón vestast á Kársnesi í Kópavogi. Það mun opna dyr sínar fyrir gestum á árinu 2021. Í fyrsta áfanga er gert ráð fyrir heitu baðlóni við sjóinn með útsýni út á hafið og til Bessastaða, kaldri laug og gufuböðum.

Kostnaður við þann áfanga er áætlaður 4 milljarðar króna. „Búið er að vinna að þessu verkefni í mörg ár. Það er komið á þann stað núna að framkvæmdir eru að hefjast,“ segir Gestur Þórisson, einn af aðstandendum verkefnisins í umfjöllun um mál þetta í Morgunblaðinu í dag.

Jarðvinna er hafin á lóð fyrirtækisins og búist við að steypuvinna hefjist í næstu viku. Í þessum fyrsta áfanga verður baðlón ásamt kaldri laug og gufuböðum með tilheyrandi mannvirkjum. Jafnframt aðstaða fyrir veitingasölu og aðra þjónustu við gesti.

Fyrirhugað er að ráðast í frekari uppbyggingu á lóðinni sem er um 3 hektarar að stærð, meðal annars að stækka baðlónið ásamt mannvirkjum sem því fylgir.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.790 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »