Ný stjarna í hafnfirskum stíl sett upp

Nýrri stjörnu, sem gerð verður í hafnfirskum stíl, verður komið upp í stað þeirrar sem fjarlægð var af stéttinni fyrir framan Bæjarbíó í Hafnarfirði. Þetta kemur fram í færslu tónlistarmannsins Björgvins Halldórssonar, en stjarnan var einmitt með nafni hans.

Frétt af mbl.is

Stjarna Björgvins fjarlægð

Fyrr í dag var greint frá því að stjarnan hefði verið fjarlægð að kröfu viðskiptaráðs Hollywood í Kaliforníu, en stjörnunni þótti svipa mjög í útliti til þeirra sem er að finna á Frægðargötunni í Hollywood.

Frétt af mbl.is

Brugðist við af skynsemi, ábyrgð og virðingu

Í færslu Björgvins kemur fram að upphafleg hugmynd stjórnenda Bæjarbíós og Hafnarfjarðarbæjar hafi verið að heiðra íslenska tónlistarmenn líkt og gert er víða í borgum heimsins. Hann segir þó ljóst að þrátt fyrir þessa uppákomu verði Strandgatan áfram prýdd íslenskum tónlistarstjörnum í framtíðinni.

• Blogga um frétt