Vegna yfirvofandi óveðurs hefur Icelandair beðið viðskiptavini sína að fylgjast vel með veðurspám og tilkynningum á vef flugfélagsins. Appelsínugul viðvörun er í gildi víðast hvar á landinu síðdegis á morgun.

Samkvæmt tilkynningu á vefsíðu Icelandair er ekki búist við því að veðrið hafi áhrif á flugáætlunina. Fylgst verður vel með og nauðsynlegar breytingar gerðar ef þörf krefur. „Öryggi okkar farþega er alltaf í forgangi.“

Frétt af mbl.is

Funda með Almannavörnum um næstu skref

Til að koma í veg fyrir óþarfa seinkanir er fólk hvatt til að gefa sér góðan tíma í aksturinn upp að Leifsstöð þar sem veðrið gæti haft áhrif á bílaumferð, en ef spár ganga eftir hefur Vegagerðin gefið það út að Reykjanesbraut verði lokað frá hádegi á morgun og verði lokuð fram til kl. 13 á miðvikudag.

Búast má við uppfærðri tilkynningu frá Icelandair síðar í dag, samkvæmt upplýsingum frá Ásdísi Ýri Pétursdóttur, upplýsingafulltrúa Icelandair.

„Allar tilkynningar er varða breytingu á flugi verða sendar með tölvupósti og textaskilaboðum á netföng og farsímanúmer sem gefin hafa verið upp við bókun.“

Tengdar fréttir

Ofsaveður í desember 2019

Færanlegar rafstöðvar efla fjarskiptaöryggi

• Áskoranir og viðbrögð vegna óveðursins
• Varaafl bætt á 68 fjarskiptastöðum
• Strengurinn bætir ástandið mikið eftir óveðrið
• Stór áfangi að ólík ráðuneyti geti unnið saman

» Fleiri tengdar fréttir

• Blogga um frétt