Icelandair aflýsir öllu flugi síðdegis á morgun
Setja bókamerki
Búið er að aflýsa öllum brottförum Icelandair frá Keflavíkurflugvelli síðdegis á morgun.
Appelsínugul veðurviðvörun hefur verið gefin út víðast hvar á landinu og gengur viðvörunin í gildi kl. 13 á suðvesturhorni landsins.
Samkvæmt tilkynningu frá Icelandair munu raskanir á flugi hafa áhrif á um 4.000 farþega félagsins, sem allir hafi verið upplýstir um stöðu mála.
Gert er ráð fyrir að allt flug til Evrópu verði á áætlun í fyrramálið, en hefur öllu flugi frá Evrópu til Íslands verið seinkað og verður brottför þeirra við fyrsta tækifæri á miðvikudagsmorgun.
170 þáðu að flýta brottför
Öllu flugi til Evrópu og Bandaríkjanna frá Keflavík síðdegis á morgun hefur verið aflýst, en hafa um 170 farþegar þegið boð um að flýta brottför sinni til dagsins í dag. „Þrátt fyrir það verða um erlendir 520 farþegar sem eiga flug til Evrópu og Bandaríkjanna seinnipartinn á morgun áfram hér á Íslandi og mun Icelandair útvega þeim hótelgistingu.“
Miðað við núverandi veðurspá er vonast til þess að flug verði að mestu leyti á áætlun á miðvikudagsmorgun. Þó er gert ráð fyrir einhverjum seinkunum, t.d. til Manchester og Osló.
Fréttin hefur verið uppfærð.
Kveðst tala af virðingu: „Ég er enginn dóni“
„Tíminn er runninn út fyrir Kristján Loftsson“
„Þögnin er ærandi“
Mikil skjálftavirkni á landinu áhyggjuefni
„Menn eru bara búnir að forgangsraða“
Ofsóttur innan veggja Boeing
Stóraukið fé til samgöngusáttmála
Fjárfestingin 115 milljarðar króna