Áhrif veðursins á dreifingu Morgunblaðsins

Veðurofsinn sem nú gengur yfir landið mun hafa áhrif á dreifingu Morgunblaðsins og annarra blaða á miðvikudag og fimmtudag. Áhrifin verða mest á miðvikudag, einkum á Norðurlandi en gert er ráð fyrir að lokað verði fyrir bílaumferð norður í land á morgun. Þar er því útlit fyrir að blað morgundagsins verði borið út með fimmtudagsblaðinu og líkur eru einnig á að dreifingin á fimmtudag verði sein vegna áhrifa veðursins.

Stefnt er að því að opnað verði fyrir bílaumferð frá höfuðborginni til Suðurnesja, Suðurlands og Vesturlands um kl. 13 á morgun, miðvikudag, og verður blaðið þá keyrt á þessi svæði, en óljóst er hvenær flugsamgöngur fara aftur af stað.

Á höfuðborgarsvæðinu er hætt við að seinkun verði á dreifingu á morgun, miðvikudag, en leitast verður við að lágmarka tafir í allri dreifingu þar líkt og annars staðar á landinu eins og kostur er á.

• Blogga um frétt