Vetraraðstæður eru um allt land og lítið sem ekkert ferðaveður síðdegis. Veðurstofan hefur gefið út viðvaranir vegna verulega slæms veðurútlits í dag og á morgun en búið er að loka Siglufjarðarvegi vegna óveðurs.

Þetta kemur fram á vef Vegagerðarinnar en talsverður vindstrengur er á vestanverðum Tröllaskaga þar sem vindurinn fer í 30 m/s í hviðum.

Eins og áður hefur komið fram gerir Vegagerðin ráð fyrir því að loka þurfi vegum á meðan veður sem spáð er gengur yfir.

Frétt af mbl.is

Vegum frá höfuðborginni lokað vegna ofsaveðurs

Víða er þæfingur á sunnanverðum Vestfjörðum. Lokað er um Hrafnseyrar- og Dynjandisheiðar og Steingrímsfjarðarheiði og ófært er norður í Árneshrepp.

Hálka eða snjóþekja er víðast hvar á Norðurlandi og töluverð snjókoma eða éljagangur í Eyjafirði og eins og áður sagði er búið að loka Siglufjarðarvegi. 

Hálka eða snjóþekja er á flestum leiðum á Austurlandi en þæfingur á Fjarðarheiði og Fagradal. Ófært er bæði á Breiðdalsheiði sem og um Öxi.

Veðurvefur mbl.is. 

Tengdar fréttir

Ofsaveður í desember 2019

Færanlegar rafstöðvar efla fjarskiptaöryggi

• Áskoranir og viðbrögð vegna óveðursins
• Varaafl bætt á 68 fjarskiptastöðum
• Strengurinn bætir ástandið mikið eftir óveðrið
• Stór áfangi að ólík ráðuneyti geti unnið saman

» Fleiri tengdar fréttir

• Blogga um frétt