„Hvellur“ á Austurlandi
Björgunarsveitarfólk að störfum í gærkvöldi á höfuðborgarsvæðinu.
mbl.is/Kristinn Magnússon
Setja bókamerki
„Það gerir veðurhvell austanlands nú fyrir hádegi og með hríðarveðri,“ segir Einar Sveinbjörnsson veðurfræðingur. Hann segir að veður sé að ná hámarki á Austurlandi og Suðausturlandi.
Bálhvasst er á Austurlandi en vindur fer til að mynda í 48 m/s í hviðum í Hamarsfirði.
Einar bendir á að veður sé byrjað að ganga niður um vestanvert landið og þar lægi hægt og rólega í allan dag.
Hins vegar sé útlit fyrir hríðarveður frá Skagafirði alveg austur á Þórshöfn meira og minna í allan dag.
„Það verður hríð, skafrenningur og kóf í allan dag og til kvölds. Það verður áfram samgönguleysi á þessum slóðum,“ segir Einar.
Aðstæður á Austurlandi séu aðrar en á Norðurlandi í gær en austanlands er um hvell að ræða og þar ætti að lægja um klukkan tvö.
Hönnun sem bætir líf manna
Bifreið ekið á skrifstofu Útlendingastofnunar
Búið að bólusetja börn alla helgina
„Þetta er pínu óvanaleg staða“
Myndir: Reynir við heimsmet í Hlíðarfjalli í dag
Tapa fimm milljónum á dag
Moses Hightower og Prins Póló gefa út eyjalag