Vonar að „óskyggnið“ opni augu þingmanna
Setja bókamerki
Í ljósi óveðursins sem hefur gengið yfir landið varð þingmönnum tíðrætt um mikilvægi þess að tryggja afhendingaröryggi rafmagns og öflugt flutningskerfi, undir dagskrárliðnum störf þingsins á Alþingi.
Einnig töluðu þeir um mikilvægi þess að styðja við bakið á viðbragðsaðilum sem leggja sig í hættu.
Vilhjálmur Árnason, þingmaður Sjálfstæðisflokksins, sagði að óveðrið og rafmagnsleysið sem hefur fylgt því opnaði vonandi augu þingmanna fyrir því að styrkja innviði á borð við dreifikerfi raforku og mikilvægi viðbragðsaðila.
„Ég vona að þetta óskyggni sem gekk yfir landið opni augu okkar,“ sagði hann.
Lilja Rafney Magnúsdóttir, þingmaður Vinstri-grænna, sagði starfsmenn oft vinna kraftaverk við erfiðar aðstæður við að gera við gamlar byggðarlínur sem þoli hvorki ísingu né snjó. Mikilvægt sé að tryggja að þær þoli álag svo ekki þurfi að senda fólk í stórhættulegar ferðir. Til að bregðast við þessu mætti m.a. grafa byggðalínur í jörð.
Jóhann Friðrik Friðriksson, þingmaður Framsóknarflokksins, tók undir þessi orð og sagði viðbragðsaðila hafa unnið þrekvirki. Tryggja þyrfti áframhaldandi stuðning við björgunarsveitirnar.
„Það þarf að vinna mikinn fjölda upp“
Krefjast stöðvunar framkvæmda
Handteknir eftir myndatöku í Vesturbæjarlaug
Banna mengandi búnað sem leyfður er á Íslandi
Skemmtiferðaskip hætt komið nærri Viðey
Vélsleðaslys: Þyrlan kölluð út á mesta forgangi
Eyjafjarðarbraut lokað vegna alvarlegs umferðarslyss
Sex hafa greinst með listeríu