Brotist inn í 15 geymslur

Brotist var inn í fimmtán geymslur í fjölbýlishúsi í Austurbænum (hverfi 105) í gærkvöldi. Samkvæmt upplýsingum frá lögreglu er ekki vitað hverju var stolið. 

Síðdegis í gær stöðvaði lögreglan bifreið í Kópavogi (hverfi 200) og reyndist ökumaðurinn vera bæði undir áhrifum áfengis og fíkniefna.

Nokkru síðar var annar ökumaður stöðvaður í Árbænum (hverfi 110) og er hann grunaður um að hafa ekið undir áhrifum fíkniefna. Bifreiðin reyndist vera ótryggð og voru skráningarnúmer klippt af.

Í gærkvöldi stöðvaði lögreglan för bifreiðar í Breiðholti (hverfi 109) en hún var ótryggð og klippti því lögreglan skráningarnúmer af bifreiðinni. 

Í nótt stöðvaði lögreglan síðan för ökumanns í Austurbænum (hverfi 108) sem er grunaður um akstur bifreiðar undir áhrifum fíkniefna og að aka sviptur ökuréttindum. Bifreiðin reyndist vera ótryggð og voru skráningarnúmar klippt af.

• Blogga um frétt