Kærir gæsluvarðhald til Landsréttar

Litháískur karlmaður sem er grunaður um að hafa orðið samlanda sínum að bana í Úlfarsárdal hefur kært til Landsréttar gæsluvarðhaldsúrskurð yfir sér.

Frétt af mbl.is

Einn í gæsluvarðhald vegna mannslátsins

RÚV greinir frá þessu en maðurinn var á mánudaginn úrskurðaður í gæsluvarðhald til 19. desember, á grundvelli rannsóknarhagsmuna.

Búist er við að Landsréttur taki málið fyrir í byrjun næstu viku. Maðurinn er í einangrun í fangelsinu á Hólmsheiði.

Margeir Sveinsson, aðstoðaryfirlögregluþjónn hjá miðlægri rannsóknardeild, segir við mbl.is að mál mannsins sé enn til rannsóknar. 

Aðspurður segist hann ekki geta tjáð sig frekar um málið eða hvenær rannsókninni ljúki.

• Blogga um frétt