Skil­ta­karl­arn­ir svo­kölluðu stóðu fyr­ir mót­mæl­um í anddyri og á bílastæði atvinnu- og nýsköpunarráðuneytisins í hádeginu í dag. Þar fór fram „spillingarhreinsun“ á ráðuneyti Samherjans Kristjáns Þór Júlíussonar, eins og sagði í Facebook-færslu Skiltakarlanna.

„Ráðherrastæðið var alveg yfirþyrmandi gegnsýrt af spillingu og fékk sinn skammt af spreyi og aðvörunarborða,“ kom enn fremur fram í færslunni.

„Við reyndum að ná tali af ráðherranum en fengum þau svör að ráðuneytið gæfi ekki út hvort hann væri á staðnum,“ segir „Skiltakarlinn“ Leifur A. Benediktsson í samtali við mbl.is.

Einkastæði Kristjáns Þórs Júlíussonar, atvinnu- og sjávarútvegsráðherra. Ljósmynd/Leifur A. Benediktsson

Hann segir að mótmælin hafi verið táknræn og ráðuneyti Kristjáns Þórs Júlíussonar, atvinnu- og sjávarútvegsráðherra, hafi verið lokað með borða sem á stóð „lokað vegna spillingar.“

„Við buðum gestum og starfsmönnum ráðuneytisins spillingarúðun eftir að hafa heimsótt ráðuneytið,“ segir Leifur.

Hann segir að mótmælum dagsins hafi lokið þegar lögreglan kom á staðinn og telur að öryggisvörður hafi óskað eftir aðstoð lögreglu. Leifur segir að frekari aðgerðir séu fyrirhugaðar í ráðuneytinu fyrir jól.

Tengdar fréttir

Samherji í Namibíu

Kærur Þórðar Snæs og Aðalsteins endanlega felldar niður

• Fimm manns í tíu daga í Namibíu
• Aðstoða stjórnvöld í Namibíu
• Fimm manns frá héraðssaksóknara staddir í Namibíu
• Réttarhöldum í Samherjamálinu í Namibíu frestað

» Fleiri tengdar fréttir

• Blogga um frétt