Innlent | mbl | 21.12.2019 | 9:19 | Uppfært 10:22

Rafmagn fór af á Húsavík

Rafmagnið fór af á Húsavík um klukkan níu í morgun. Unnið er að viðgerð. mbl.is/Þorgeir

Bilun í Laxárvirkjun olli rafmagnstruflun í landskerfinu í Suður-Þingeyjasýslu, frá Laxá og Húsavík. Samkvæmt upplýsingum frá RARIK er verið að vinna í að byggja upp kerfið.

Landsnet greinir frá því á Facebook að unnið sé að því að koma rafmagni aftur á Húsavík í gegnum Bakka.

Uppfært klukkan 10:20:

Rafmagn er aftur komið á á Húsavík og samkvæmt upplýsingum frá RARIK er unnið að því að koma á rafmagni í Reykjadal og Bárðardal.

Rafmagnstruflun er í gangi landskerfinu í Suður-Þingeyjasýslu, frá Laxá og Húsasavík. Kort/RARIK

Í nótt var unnið að hreinsun á tengivirkinu í Hrútatungu og gekk það vel. Um 30 manns tóku þátt í að hreinsa seltu af tengivirkinu. Þá er Fljótsdalslína 4 komin inn eftir viðgerð.

Ís verður hreinsaður af Þeistareykjalínu 1 í dag og verður línan tekin úr rekstri um klukkan 11 en beðið verðu með viðgerð um sinn á Laxárlínu 1.