Dúx FB með 9,34 í einkunn
Setja bókamerki
Alls útskrifuðust 108 einstaklingar úr Fjölbrautaskólanum í Breiðholti 20. desember, þar af voru 66 sem luku stúdentsprófi, 17 luku prófi af rafvirkjabraut, 14 af húsasmiðabraut, 9 sjúkraliðar og 7 luku prófi af snyrtibraut. Athöfnin fór fram í Silfurbergi í Hörpu.
Dúx skólans var Elísabet Nótt G. Norðdahl af opinni braut með einkunnina 9,34. Hún hlaut fjölda verðlauna, meðal annars verðlaun í íslensku, sagnfræði, þýsku, lokaverkefni til stúdentsprófs en fyrir hana fékk hún bókina Flugvélar á Íslandi eftir Baldur Sveinsson en Elísabet stefnir einmitt á flugnám. Hún fékk einnig verðlaun frá Soroptimistaklúbbi Hóla og Fella.
Elvar Jónsson skólameistari stýrði athöfninni og hvatti hann nemendur til að lifa í núinu og njóta hvers dags. Þær Magnea Óskarsdóttir af snyrtibraut og Herdís Hlíf Þorvaldsdóttir af myndlistarbraut fluttu ræður nýstúdenta. Þá fluttu þeir Davíð Þór Hlynsson og Rúnar Breki Rúnarsson nýstúdent tvö frumsaman lög og Melkorka Rós Hjartardóttir söng jólalag við undirleik Fannars Pálssonar. Þetta kemur fram í tilkynningu.
Mikil skjálftavirkni á landinu áhyggjuefni
Markaðurinn hitnar og leiguverð hækkar hratt
„Það er skiljanlegt að þolinmæði þeirra sé lítil“
„Þögnin er ærandi“
Ofsóttur innan veggja Boeing
Stóraukið fé til samgöngusáttmála
Kveðst tala af virðingu: „Ég er enginn dóni“
Aukin tíðni þungunarrofa hjá yngsta aldurshópnum