Rektor Háskóla Íslands er kunnugt um mál lektors við háskólann sem hefur verið úrskurðaður í gæsluvarðhald grunaður um að hafa svipt unga konu frelsi í minnst tíu daga og brotið á henni kynferðislega.

Mál lektorsins, Kristjáns Gunnars Valdimarssonar, er í ferli innan veggja háskólans.

„Þetta eru alvarlegar ásakanir sem koma fram í fjölmiðlum. Ég get ekki tjáð mig um málið opinberlega en get staðfest að það er í tilteknum farvegi hér í háskólanum,“ segir Jón Atli Benediktsson, rektor Háskóla Íslands.

Frétt af mbl.is

Grunaður um kynferðisbrot

Heimildir mbl.is herma að Kristján Gunnar hafi verið boðaður á fund fyrir jól þar sem til stóð að ræða við hann starfsmannamál. Kristján mætti ekki á þann fund. 

Frétt af mbl.is

Í varðhaldi til sunnudags vegna frelsissviptingar

Samkvæmt heimildum mbl.is er Kristján sá sem var handtekinn á jóladag og úrskurðaður í fjög­urra daga gæslu­v­arðhald, eða fram til 29. desember, á grund­velli rann­sókn­ar- og al­manna­hags­muna að kröfu lög­regl­unn­ar á höfuðborg­ar­svæðinu. 

Gæslu­v­arðhaldið var veitt í þágu rann­sókn­ar lög­regl­unn­ar vegna gruns um kyn­ferðis­brot og fleiri brot. 

Þegar mbl.is hafði samband við lögreglu vegna málsins bárust þau svör að lögreglan á höfuðborgarsvæðinu myndi ekki tjá sig frekar um málið að svo stöddu.

Tengdar fréttir

Grunur um frelsissviptingu í Vesturbæ

Mál Kristjáns látið niður falla

• Mál gegn Kristjáni Gunnari fellt niður
• Mál Kristjáns Gunnars til héraðssaksóknara
• Rannsókn á máli Kristjáns Gunnars lokið
• Rannsókn á máli Kristjáns Gunnars í farvegi

» Fleiri tengdar fréttir

• Blogga um frétt