Gæsluvarðhald yfir Kristjáni Gunnari Valdimarssyni rennur út klukkan 16 í dag. Lögregla hefur ekki viljað staðfesta hvort farið hefur verið fram á áframhaldandi gæsluvarðhald. 

Kristján sætir gæsluvarðhaldi á grundvelli almanna- og rannsóknarhagsmuna vegna gruns um að hafa svipt þrjár konur frelsi og beitt þær kynferðislegu ofbeldi. 

Kristján Gunnar var handtekinn aðfaranótt aðfangadags vegna gruns um að hann hefði haldið ungri konu nauðugri á heimili sínu í 10 daga og brotið gegn henni kynferðislega. Var hann látinn laus úr haldi að skýrslutöku lokinni en síðan aftur handtekinn að morgni jóladags, þá grunaður um að hafa haldið tveimur konum nauðugum þá um nóttina og brotið gegn þeim kynferðislega. 

Samkvæmt lögreglu fóru skýrslutökur fram í gær, en Karl Steinar Valsson yfirlögregluþjónn vildi ekki staðfesta hvort þeim væri lokið. 

Ekki hefur náðst í lögmann Kristján Gunnars, en sá sem áður gætti hagsmuna hans sagði sig frá málinu á föstudag. 

Tengdar fréttir

Grunur um frelsissviptingu í Vesturbæ

Mál Kristjáns látið niður falla

• Mál gegn Kristjáni Gunnari fellt niður
• Mál Kristjáns Gunnars til héraðssaksóknara
• Rannsókn á máli Kristjáns Gunnars lokið
• Rannsókn á máli Kristjáns Gunnars í farvegi

» Fleiri tengdar fréttir

• 1 blogg um fréttina

Bloggað um fréttina

• Helga Dögg Sverrisdóttir: Fíkniefnaheimur í hnotskurn. Ljótur veruleiki