Staðan metin í dag og ákveðið með frekari leit

Bíll mannsins var yfirgefinn á Heydalsvegi.
Bíll mannsins var yfirgefinn á Heydalsvegi.

Fulltrúar lögreglu og björgunarsveita athuga í dag aðstæður í Hnappadal með tilliti til þess hvenær rétt sé að hefja að nýju leit að manni sem saknað hefur verið undanfarna daga.

Meðal annars verður spáð í veður, sem skiptir miklu máli við skipulagningu leitar. Einar Þór Strand, formaður svæðisstjórnar björgunarsveitanna, sagði í gær að útlit væri fyrir bjart veður á morgun, föstudag, en eftir væri að kanna hvort hægt yrði að manna leit.

Maðurinn er Lithái, hátt á sextugsaldri, búsettur á höfuðborgarsvæðinu. Eftirgrennslan og leit hófst þegar bóndi í Hnappadal veitti því eftirtekt að bíll hafði staðið við Heydalsveg í tvo eða þrjá daga.

Maðurinn á ekki fjölskyldu hér á landi og er ekkert vitað um áform hans. Hann hefur oft farið einn í stuttar fjallgöngur. Í Morgunblaðinu í dag segir að talið sé að maðurinn hafi ekið af stað heiman frá sér að morgni laugardagsins 28. desember.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.890 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »