Miskabætur verða líklega greiddar út vegna Guðmundar- og Geirfinnsmála síðar í þessum mánuði, á grundvelli nýsamþykktra laga. Alls er um að ræða 759 milljónir króna, samkvæmt frumvarpi Katrínar Jakobsdóttur forsætisráðherra, en málsaðilar hafa til 10. janúar til að gera athugasemdir við þá bótaupphæð sem kveðið er á um.

Frá þessu er greint á forsíðu Fréttablaðsins í dag.

Frétt af mbl.is

Frumvarp um bótagreiðslur samþykkt

Fréttablaðið segir frá því að rætt hafi verið við þá sem njóta eiga laganna strax í kjölfar samþykktar þeirra á Alþingi 4. desember síðastliðinn og þeim veittur áðurnefndur frestur til athugasemda, en um er að ræða þá Albert Klahn Skaftason, Guðjón Skarphéðinsson og Kristján Viðar Júlíusson auk fjölskyldna þeirra Tryggva Rúnars Leifssonar og Sævars Marinós Ciesielski.

Í lögunum er kveðið á um að greiðsla bótanna komi ekki í veg fyrir að bótaþegarnir geti sótt frekari bætur fyrir dómstólum, en Guðjón Skarphéðinsson er sá eini sem hefur stefnt ríkinu til greiðslu bóta vegna málsins.

Tengdar fréttir

Guðmundar- og Geirfinnsmál

Nýju ljósi varpað á Guðmundar- og Geirfinnsmál

• Ríkið þarf að greiða Alberti 26 milljónir
• „Þetta er auðvitað algjörlega galið“
• Skilur eftir sár sem munu aldrei gróa
• Hagsmunir ríkisins að ljúka máli Erlu

» Fleiri tengdar fréttir

• Blogga um frétt