Ákærður fyrir árás með hníf á Þjóðhátíð

Rúmlega tvítugur karlmaður hefur verið ákærður fyrir sérstaklega hættulega líkamsárás með hníf á Þjóðhátíð í Vestmannaeyjum árið 2018. Í ákæru kemur fram að hann hafi stungið annan mann með hnífnum í kvið þannig að sá sem fyrir árásinni varð hlaut 5-6 cm langan skurð.

Fórnarlambið fer fram á tvær milljónir í skaða- og miskabætur vegna málsins.

Í frétt mbl.is frá árinu 2018 kemur fram að mennirnir hafi verið á svipuðum aldri og að gerandinn hafi játað sök við yfirheyrslu hjá lögreglu. Var fórnarlambið flutt daginn eftir til Reykjavíkur vegna innvortis blæðinga eftir árásina.

Frétt af mbl.is

Hlaut innvortis blæðingar eftir árás

• Blogga um frétt