Íslenska karlalandsliðið leikur í dag gegn Rússum á Evrópumeistaramótinu í handbolta, er nú fer fram í Svíþjóð.
Þetta er annar leikur liðsins á mótinu, en það vann frækinn sigur á Dönum í mögnuðum leik á laugardaginn, 31:30.
Ljóst er þó að sá sigur mun ekki skila neinu nema liðið haldi uppteknum hætti í dag gegn Rússum, en landslið þeirra hefur verið að spyrna sér frá botninum eftir mögur ár að undanförnu. Þá hafa strákarnir okkar byrjað vel á síðustu tveimur EM-mótum en ekki náð að láta kné fylgja kviði, að því er fram kemur í umfjöllun um frammistöðuna á EM í Morgunblaðinu í dag.