Bíll valt á Geirsgötu í miðbæ Reykjavíkur á áttunda tímanum í morgun. Tveir voru í bílnum og tókst þeim að komast úr bílnum með aðstoð slökkviliðs- og sjúkraflutningamanna.
Ástand þeirra er betra en á horfðist í upphafi, samkvæmt upplýsingum frá Jóhanni Erni Ásgeirssyni, aðstoðarvarðstjóra hjá slökkviliðinu á höfuðborgarsvæðinu.
Verið er að meta hvort flytja eigi tvímenningana á sjúkrahús til aðhlynningar.