Björgunarsveitamenn á Ísafirði voru kallaðir út á tólfta tímanum í kvöld til þess að tryggja flotbryggjuna við höfnina þar í bæ, samkvæmt upplýsingum frá lögreglunni á Vestfjörðum.
Flotbryggjan var ekki farin af stað, en öruggast þótti að festa hana betur við bryggju svo ekki færi illa, en afar hvasst er á norðanverðum Vestfjörðum og ríkjandi vindátt úr suðvestri óhagstæð fyrir höfnina á Ísafirði.