„Hættuleg dúkka“ sem seld var í BYKO innkölluð

Dúkkan var seld í BYKO árið 2019 og er 30 …
Dúkkan var seld í BYKO árið 2019 og er 30 cm löng.

Neytendastofu hefur borist tilkynning frá BYKO vegna innköllunar á dúkku frá Qmei Toys Factory. Dúkkan var seld í Byko árið 2019 og er 30 cm löng, með vörunúmerið 303817. Um þetta er fjallað á vef Neytendastofu.

Þar segir að komið hafi í ljós að smáir hlutir losna auðveldlega af dúkkunni. Smáir hlutir sem detta af leikfangi valda köfnunarhættu hjá ungum börnum. Samkvæmt áhættumati er hætta vegna dúkkunnar því talin alvarleg.

Hættið notkun strax

Þeim sem eiga dúkkuna er bent á að hætta strax notkun hennar og skila henni í næstu verslun BYKO þar sem hún verður endurgreidd að fullu. Ef nánari upplýsingar vantar má hafa samband við þjónustuborð í næstu BYKO-verslun eða í tölvupósti byko@byko.is.

Neytendastofa hvetur alla þá sem eiga dúkkuna að skila henni til BYKO og hætta notkun hennar.

mbl.is