Brunaboð barst frá utanríkisráðuneytinu við Rauðarárstíg um hálffimmleytið í dag.
Að sögn varðstjóra hjá slökkviliðinu á höfuðborgarsvæðinu var slökkviliðsbíll sendur á staðinn til að ganga úr skugga um að ekki væri eldur.
Í ljós kom að ryk hafði farið í reykskynjara en verktaki var þar í framkvæmdum.
Um níuleytið í morgun var ekið á gangandi vegfaranda við gatnamót Flatahrauns og Reykjavíkurvegar í Hafnarfirði. Vegfarandinn varð fyrir smávægilegum meiðslum, að sögn varðstjóra.