Unglingspiltar sem bönkuðu upp á hjá íbúa í kjallara í Austurbænum í nótt og veittust að honum eru ófundnir.
Að sögn lögreglufulltrúa hjá lögreglunni á höfuðborgarsvæðinu er ekki vitað hverjir piltarnir eru. Hann gat ekkert sagt til um hvort maðurinn kannaðist við þá.
Árásin átti sér stað í Miðtúni. Þegar maðurinn kom til dyra réðust piltarnir, sem voru fjórir, á hann og við það brotnaði rúða. Engin vitni voru að atvikinu.
Tekin var vettvangsskýrsla af manninum sem varð fyrir árásinni en hann kemur líklega á lögreglustöðina á morgun þar sem önnur skýrsla verður tekin af honum.